أجل إن الاشتياق واجب مقدس يدفعك الى خدمة القلب وتقديم الشعور والحنان الى من تشتاق اليه، صورة الشاعر شربل بعيني تألقت سحراً وقوة على الغلاف لتشرق ربيع الكلمة والشعر.
في ..."اشتقنا"... تناغم الفن والحجر وأنشدا الحب:
الإزميل لمّن بوّس خدود الحجر
صاروا البشر يِتْباوَسوا مِتْلو
وكان صوت ..."الجندي المجروح"... داوياً عندما خاطب أمه في اشتقنا:
يمّي.. إذا رح موت
بتزيّني البيوت
وبترفعي الأرزه
ع عتبة بْوابك
بموتي أنا.. اعتزي
ولا تبيّني مْصابك
رصاصه.. إذا بتفوت
بصدري أنا مش هم
همّي.. يا أحلى أم
ما تنجرح بيروت
وما اثمن..."تراب الوطن"... عند شربل بعيني، فلقد أوصى المغترب أن يدفن تراب الوطن معه في القبر ساعة موته:
حامل معو ترابات من لبنان
وكاتب وصيه ان مات بالهجران
تنزل معو بالقبر … تا يشم الحمى
ويثور البعيني على ..."حكام لبنان"... ويطالب بأن تحكم النسوان بدلاً عنهم :
ونحنا، يا بيي، هون صرنا الفخر
وتتلمذت بصفوفنا الأكوان
حكمنا الدني.. رشّوا علينا الزهر
وببلادنا بيتقاتلوا الجيران
رح قولها ع السطح.. تهدر هدر
لبنان بدّو رجال.. مش خصيان
أطخنْ شَنبْ.. ما عاد عندو شَعرْ
يا ريت مرّه.. بتحكم النسوان
وكان للموسيقار ..."وديع الصافي"... حصة وافية في اشتقنا:
يا بلبل الوديان
يا زارع الأوطان
ع شفاف كل إنسان
...
يا نغمة اللي بجلها
ما بينذكر لبنان
من دون اسمك يا وديع
ما بيفرح الديان
إلا بأوفك يا وديع
أما الفنانة ..."صباح "... فلها مكانة خاصة وكبيرة عند البعيني:
غابت صباح .. وشعرنا جايي
يدلق بكي ع صفحة حكايه
هيي اللي كانت نجمة الأمجاد
تْطيّر الضحكة .. تشع المرايه
بالحنجرة حملت شعب وبلاد
الله عطاها "الأوف" توصايه
...
شحرورة الوادي قمر لبنان
هيي البدايه الما لها نهايه
وأبدى البعيني فخراً وحزناً وسخطاً وغضباً من الفيلسوف والشاعر..." سعيد عقل"...:
انهز العرش .. وتطايرت تيجان
وقلو "المجد" ما بينزوي بتابوت
سعيد عقل .. بينسمى لبنان
ولبنان، متل المجد، ما بيموت
...
زعلان منك يا سعيد كتير
كيف تركت لبنان للتعتير
كنت صوتو فرحتو عيدو
جرب إذا من فوق بتفيدو
في ..."اشتقنا"... خاطب البعيني صديقه الوفي الراحل..."بطرس عنداري"... بحزن وصدق وألم:
اشتقنا يا بطرس .. والقلب زعلان
كيف انتهينا هيك بالهجران
لكن بعد موتك.. شو عّم بيصير
هالكون بلش يحكمو الشيطان
نص البشر عم يحصدا التهجير
واللي بقي .. حطبات للنيران
لازم نوعّي .. نكتّر التفسير
برسالة الإنجيل و القرآن
في ..."اشتقنا"... ثار البعيني على ..."الموت"... وتألم كثيراً على فراق صديقه الدكتور ..."عصام حداد"...:
قبالي الدني .. ومش شايف قبالي
موتك قتل فيي الدني كلا
يا الـ كنت مجدي وكل رسمالي
يا مدبح الـ فوقو الشعر صلى
وكانت صرخة البعيني ..."لأمه بترونله"... موجعة و مؤلمة:
الغصة عّم تقوى يا أمي
موتك خلاني إتعذب
...
حضنك كان بلادي .. وصرت
إحلم تا تضميني ضمه
...
بترونله .. الاسم كبير
أم .. و متلا ما بيصير
في ..."اشتقنا"... اشاد الشاعر بعيني بأبيات جميلة ومؤثرة يصف فيها المثلث الرحمات ..."سيادة المطران بولس صليبا"... راعي أبرشية استراليا ونيوزيلاندا والفلبين وتوابعها للروم الأرثوذكس، واصفاً إياه ..."بسيد رافع اسم الدين".... "ذي كف اخضر"... و..."قلب أبيض ناصع كالثلج"...، مردداً كلمة آمين وفِي كل حين:
يا سيّدنا اسمحلي اليوم
هنّي بالشعر الحلوين
متلك ما بيتلاقى دوم
سيّد.. رافع اسم الدين
بولس صليبا.. يا قوم
كفّو أخضر متل المرج
وع شفافو كلمة: آمين
وقلبو أبيض متل التلج
اسألوا الأرزه العا صنين
وكان ..."لأبو الزلف"... طعم خاص في ..."اشتقنا"... مما جعل ..."العراق"... يقترن ..."بلبنان"... تحت تاج..." الحب"...:
هيهات يا بو الزلف
عيني يا موليا
بيروت لا تستحي
البوسه عراقية
وكانت ..."لبيروت"... مكانة خاصة في قلب البعيني في ..."اشتقنا"...:
يا غزيل يا بو الهبا
يا بيروت الطيبه
من يوم اللي حبيتك
قلبي رجعلو الصبا
وكان غضب البعيني جلياً وصارخاً في ..."اشتقنا"... عندما ثار على ..."حكام العالم بأجمعه".... يوم توفي أحد "...الأطفال الصغار غرقا"...:
قللو لألله شو ما بدك
سمّي بالإسم الأشباح
قللو الدنيي كلا ضدك
لازم يمحيها و يرتاح
**
